سافرت مجبور يمه

سافرت مجبور يمه والسبب مو بيه أني

والسبب چيه كلبي طيب كسر اجناحي زماني

وانتي تدرين ابمعزتچ يمه وحده ابغير ثاني

حبچ أبنبضي ييمه مـــــن يدك كلبي ابثواني

أنتي ماي وأني وردة اوغير مايچ ما سكاني

شحجي يا يمه وشسولف دمعي يا يمه عماني

نازل اوما وكف سيله چنه تيزاب اوچواني

ما أنام ابغير حظنچ يمه حظنچ كل مكانــــي

والأكل طعمه ابغيابچ لذته راحت من لساني

احسد الي صاح يمه يمه بعدچ أني اعاني

يمه دار الغرب ذله اودهري لذله رماني

يمه محد داوه جرحي

يمه بعدچ طاح صرحي

يمه خاسر شنهو ربحي

اوصار شوفچ ليه اماني؟؟

بعدي يمه اشلون حالچ أه أدري انتي حزينه

اوصار حزنچ ويه دمعچ عل كلب زيد ونينه

وادري أذنچ تنطر أنتي لتليفون اورنينه

بالكي بيچ اتصل أني اوصوتي يوصل يل حنينه

يمه أدري افراكي نقمه وادري بالفركه جريمه

يمه مو بيدي اوتركتچ وكتي خان اويا حريمه

حته طيفچ ما يمرني

وكتي من شوفچ حرمني

يمه مــــــن بين الكرفني

اولا هل غربـــه الأليمه

الله الله كثير حلوة مشكور والله