شعر شعبي عراقي

صحيح بعيد بس كلبي شعر بيك
حزين وباقي بس يكتب شعر بيك
عجب لي هسه باقي اسود شعر بيك
وانه بفركاك ماضل شعر بيه
عصت عيني يدمعي ما تهلك
وتلف من شاف طولك مات هلك
تگلي اشبيك ناحل ماتو اهلك
صدك طاووس من تكبل عليه

عليك القلب ينحب وانتَ حدّه ( قريباً منه )

ونَصِل شوقك بروحي وانتَ حدّه ( حد السيف)

نظل نصبر على المُر وانتحدّه ( من التحدّي)

حياة وموت ماتفرق سويّـــه

2
حبيبي مِن تدوس الجرح بهداي ( بتأنّ ٍ وخفّة)

يُنوح ومن عظيم الشّوق به داي( بهِ داء )

إلك قلبي وشعوري وّدّي بهداي ( أهدي)

وَزَين الروح اقدّمها بديّه

********
احبك لو چنت هندي واريدك
واعبدك من چعب رجلك لايدك
امد روحي جسر من وريدي لحد
وريدك
واعبدك للادب بس اتحن عليه الغربه من الناس راوتني اشكال
والجذب لو بفلوس ما اظنه ينكال

ليش الوكت قسه عليه وبعدني عنه
وتمنيت الوكت يوكف من اصير يمه

هايم ادور عليك بكل الدرابين
صدكني من فركاك معميه هالعين

هيهات لحضه انساك هيهات اعوفك
حظره انت وسط الروح كل ساعه اطوفك

كلمه كلتها انساك تدري شجرالي
اسمي نسيته النوب واسمك ابالي

هو انت مثل الناس حتى اسأل عليك
انت النفس بالروح كل ساعه احس بيك

كافي يا هل الناس روحي مشتاكه
بوسه من الوطن ومحتاجه اشم اترابه

هو العمر شيفيد من غير العراق
صدكوني لبغداد كل لحظه اشتاق

قاموس اصيرلن لك كلبني شوف اوراقي
مثلك يا بلد ماشفت لا وحق الله العالي

نار الكلب يهواي تحرك بالضلوع
حبي اللك مسموح وللباقي ممنوع

كل يوم افكر بيج صبح ومسيه
وكلبي يصيح بصوت يالعراقيه

شعر عراااقي روووووعة

ماشائالله