منتديات ابن العراق الحبيب
 
الرئيسيةس .و .جبحـثالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» قصيدة تتكلم عن تاريخ شمر
الإثنين يناير 14, 2013 11:44 am من طرف عبودي العميري

» تحميل برامج نوكيا n95
الثلاثاء أبريل 24, 2012 8:28 am من طرف alatar1234

» اجمل بيت متحرك
الأربعاء أبريل 11, 2012 6:04 am من طرف عبدلى حسن

» وصفة تمسح البطن مسح
الأحد يوليو 31, 2011 12:04 pm من طرف اميرة الحب

» عصائر للرجيم
الأحد يوليو 31, 2011 12:01 pm من طرف اميرة الحب

» 12 نوعا من الطعام يمكن أن تحسن كولوستيرولك
الأحد يوليو 31, 2011 11:58 am من طرف اميرة الحب

» أطعمة مفيدة جدا للتنحيف وإذابة الدهون
الأحد يوليو 31, 2011 11:54 am من طرف اميرة الحب

» · الليمون لعيوب البشرة :
الأحد يوليو 31, 2011 11:50 am من طرف اميرة الحب

» · للحصول على بشرة بيضاء صافية :
الأحد يوليو 31, 2011 11:49 am من طرف اميرة الحب

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني

شاطر | 
 

 وصفات سهلة وخفيفة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اميرة الحب
مشرف عام
مشرف عام


عدد المساهمات : 18
نقاط : 54
السٌّمعَة : 0
تاريخ الميلاد : 22/05/1989
تاريخ التسجيل : 25/02/2010
العمر : 27
العمل/الترفيه : طالبة

مُساهمةموضوع: وصفات سهلة وخفيفة   الأحد يوليو 31, 2011 9:06 am


Jul 21 2011
هيكون معانا وصفات سهلة وخفيفة ممكن تعملوها على سفرة رمضان
هيكون معانا وصفات سهلة وخفيفة ممكن تعملوها على سفرة رمضان

خلاص رمضان على الأبواب، وكلنا بنستعد لاستقباله والتحضير له..

وإحنا معاكم على "سفرة دايمة" هنساعدكم إنكم تجددوا في سفرتكم كل يوم..


والنهارده هيكون معانا وصفات سهلة وخفيفة ممكن تعملوها في الأيام العادية وعلى سفرة رمضان كمان..


هيكون معانا: شوربة المكرونة بالخضار، ويخني اللحمة، ورز بالليمون، وقالب جيلي ساقع ولذيذ، تابعونا..


*******************


حطي البقدونس في الآخر وقدميها
حطي البقدونس في الآخر وقدميها

شوربة المكرونة بالخضار
المقادير:

كمية قليلة مكرونة إسباجتي
3 كوب طماطم مفرومة
2 حبة جزر متوسطة
حبة كوسة متوسطة
5 أكواب شوربة
4 عيدان كرفس
بصلة مفرومة
ملعقتين زيت
فصين ثوم
2 ملعقة كبيرة بقدونس مفروم


الطريقة:
- افرمي البصل والثوم وشوحيهم في حلة لمدة 3 دقائق لحد ما البصل يدبل.

- بعد كدة قطعي الكوسة والجزر مكعبات وافرمي الكرفس وحطيهم مع البصل وقلبيهم كويس لمدة 5 دقائق.

- حطي الطماطم والشوربة وغطي الحلة وسيبيها على نار عالية لحد ما الشوربة تغلي، وبعدين هدي النار.

- قلبي الشوربة من وقت للتاني لحد ما الخضار يستوي، وبعدين تبليها بالملح والفلفل.

- خدي كمية بسيطة من المكرونة وكسريها لقطع صغيرة حوالي 6 سم، وحطيها على الشوربة.

- خلي الشوربة على النار لمدة حوالي 15 دقيقة أو لحد ما المكرونة تستوي.

- حطي البقدونس في الآخر وقدميها بالهنا والشفا.



*******************


لما تحسي إن اللحمة بقت طرية وناعمة قدميها
لما تحسي إن اللحمة بقت طرية وناعمة قدميها

يخني اللحمة بالخضار
المقادير:

2 كيلو فيليه لحمة
3/ 4 كيلو بصل
1/ 2 كيلو جزر
1/ 2 كوب دقيق
1/ 2 كوب زيت
2 كوب صودا
4 أوراق لورا
2 كوب مية
ملح وفلفل
ملعقة كبيرة مريمية
بشر وعصير برتقالة
2 ملعقة صغيرة بهارات مطحونة


الطريقة:
- أول حاجة قطعي اللحمة مكعبات، والبصل شرايح، والجزر قطعيه شرايح بيضاوية بشكل مائل.

- اخلطي الدقيق مع الملح والفلفل والمريمية والبهارات في كيس بلاستيك، وحطي فيه قطع اللحمة، واقفلي الكيس، وقلبيه مع المكونات كويس.

- بعد كدة حطي 4 ملاعق زيت في حلة، وشوحي فيها الجزر والبصل لمدة 5 دقائق لحد ما يدبلوا، وبعدين ارفعيهم من الحلة.

- حطي باقي كمية الزيت في نفس الحلة، وحمري قطع اللحمة فيها، وبعدين ارفعيها من الحلة.

- في نفس الحلة حطي عصير البرتقال والصودا، وقلبيهم مع مخلفات التحمير وسيبيه لحد ما يغلي، وبعدين حطي المية.

- رجعي قطع اللحمة للحلة تاني وحطي عليه بشر البرتقال وورق اللورا وقلبيه وسيبيه لحد ما يغلي، وبعدين قللي الحرارة وغطي الحلة وسيبيه على نار هادية لحد ما اللحمة تستوي.

- رجعي البصل والجزر في الحلة لما تحسي إنها استوت علشان يمتزجوا كويس، ولما تحسي إن اللحمة بقت طرية وناعمة قدميها بالهنا والشفا.



*******************


حطي البقدونس وقلبيه مع الرز بحرص
حطي البقدونس وقلبيه مع الرز بحرص

أرز الليمون
المقادير:

كوب أرز
فص ثوم
2 كوب مية
بصلة صغيرة
1/ 4 كوب زبدة
2 عود كرفس
2 مرقة دجاج بودرة
1/ 4 ملعقة صغيرة خردل
1/ 4 ملعقة صغيرة بابريكا
2 ملعقة صغيرة بشر ليمون
2 ملعقة كبيرة بقدونس مفروم


الطريقة:
- افرمي البصل والثوم وشوحيهم في الزبدة لحد ما البصل يدبل.

- حطي كل المكونات الباقية ما عدا البقدونس وقلبيهم وخليهم على نار عالية لحد ما يغلي.

- غطي الحلة وسيبيها على نار هادية لمدة 14 دقيقة، وبعدين حطي البقدونس وقلبيه مع الرز بحرص.

- غطي الحلة تاني ورجعيها على نار هادية لمدة 10 دقائق كمان، وقدميها بالهنا والشفا.



*******************


بعد ما تكون طبقات والقالب اتجمد كويس خرجيه من القالب وزينيه بقطع الفراولة
بعد ما تكون طبقات والقالب اتجمد كويس خرجيه من القالب وزينيه بقطع الفراولة

قالب جيلي الفواكه
المقادير:

لعمل جيلي الفراولة:

2 كوب فراولة
4 ملاعق جيلاتين
8 ملاعق كبيرة سكر
3 ملعقة كبيرة عصير تفاح


لعمل جيلي التفاح:

2 كوب عصير تفاح
4 ملاعق كبيرة سكر
3 ملاعق كبيرة جيلاتين


الطريقة:
- أول حاجة حضري جيلي الفراولة، اهرسي الفراولة في الخلاط وصفيها بمصفاة رفيعة علشان تتخلصي من البذور.

- حطي عصير التفاح على النار ودوبي فيه الجيلاتين، وبعدين حطي السكر وقلبيه لحد ما يذوب.

- صفي خليط الجيلاتين فوق عصير الفراولة بمصفاة رفيعة وقلبيهم كويس لحد ما يمتزجوا.

- بعد كدة حضري جيلي التفاح، سخني كمية صغيرة من عصير التفاح ودوبي فيها الجيلاتين وبعدين حطي السكر وسيبيه لحد ما يدوب تماما.

- صفي خليط الجيلاتين فوق باقي كمية عصير التفاح واخفقيهم كويس علشان يمتزجوا.

- علشان تجهزي القالب، بعد ما تعملي جيلي الفراولة صبي كمية منه في قالب ودخليها الفريزر، وسيبيها تجمد لحد ما تحضري جيلي التفاح.

- بعد كده صبي طبقة من جيلي التفاح، وسيبيها تجمد وبعدين طلعيها، وكرري العملية لحد ما تخلص كمية الجيلي اللي عندك.

- بعد ما تكوني حضرتي كل الطبقات والقالب اتجمد كويس خرجيه من القالب بحمام مية ساخن، وزينيه بقطع فراولة وقدميه بالهنا والشفا.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وصفات سهلة وخفيفة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابن العراق الحبيب :: قسم المرأة العربية :: الطبخ-
انتقل الى: