منتديات ابن العراق الحبيب
 
الرئيسيةس .و .جبحـثالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» قصيدة تتكلم عن تاريخ شمر
الإثنين يناير 14, 2013 11:44 am من طرف عبودي العميري

» تحميل برامج نوكيا n95
الثلاثاء أبريل 24, 2012 8:28 am من طرف alatar1234

» اجمل بيت متحرك
الأربعاء أبريل 11, 2012 6:04 am من طرف عبدلى حسن

» وصفة تمسح البطن مسح
الأحد يوليو 31, 2011 12:04 pm من طرف اميرة الحب

» عصائر للرجيم
الأحد يوليو 31, 2011 12:01 pm من طرف اميرة الحب

» 12 نوعا من الطعام يمكن أن تحسن كولوستيرولك
الأحد يوليو 31, 2011 11:58 am من طرف اميرة الحب

» أطعمة مفيدة جدا للتنحيف وإذابة الدهون
الأحد يوليو 31, 2011 11:54 am من طرف اميرة الحب

» · الليمون لعيوب البشرة :
الأحد يوليو 31, 2011 11:50 am من طرف اميرة الحب

» · للحصول على بشرة بيضاء صافية :
الأحد يوليو 31, 2011 11:49 am من طرف اميرة الحب

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني

شاطر | 
 

 النهارده هنقدم لك شوية وصفات لسحور رمضان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اميرة الحب
مشرف عام
مشرف عام


عدد المساهمات : 18
نقاط : 54
السٌّمعَة : 0
تاريخ الميلاد : 22/05/1989
تاريخ التسجيل : 25/02/2010
العمر : 28
العمل/الترفيه : طالبة

مُساهمةموضوع: النهارده هنقدم لك شوية وصفات لسحور رمضان   الأحد يوليو 31, 2011 9:00 am


Jul 28 2011
النهارده هنقدم لك شوية وصفات لسحور رمضان
النهارده هنقدم لك شوية وصفات لسحور رمضان

رمضان خلاص على الأبواب..

وطبعاً كلنا بنحضّر له من دلوقتي بأشهى وأحلى الوصفات والأكلات..

وعلى "سفرة دايمة" هنقدم لكم كل يوم عزومة جامدة من الألف للياء..

هنعمل فيها العصير وطبق السلطة والشوربة والطبق الرئيسي والحلو كمان..

والنهارده هنقدم لك شوية وصفات لسحور رمضان، تابعونا..




*******************


اغسلي الفول كويس وانقعيه عدة ساعات ممكن من بالليل للصبح
اغسلي الفول كويس وانقعيه عدة ساعات ممكن من بالليل للصبح

تدميس الفول المصري
المقادير:

كيلو فول للتدميس
بصلة
ثمرة جزر
1/ 2 ليمونة
ثمرة طماطم
فص ثوم واحد
ملعقة أرز كبيرة
1/ 4 كوب عدس أصفر
ملعقة صغيرة بيكنج بودر


الطريقة:
- اغسلي الفول كويس، وانقعيه عدة ساعات ممكن من بالليل للصبح أو العكس.

- صفّيه من المية واشطفيه وحطيه في الدمّاسة أو في حلة مناسبة لحجمه، وغطيه بالمية، وحطي باقي المكونات.

- حطيه على نار عالية، وسيبيه لحد ما يغلي، وبعدين حطي البيكنج بودر.

- هدّي النار أوي عليه وسيبيه على نار هادية أو الدمّاسة الكهربائية لمدة 3- 4 ساعات، أو لحد ما تحسي إنه استوى.



*******************



ودي شوية أفكار للفول بعد ما تدمسيه...
اغرفيه في الأطباق وحطي عليه الزيت ورشة شطة
اغرفيه في الأطباق وحطي عليه الزيت ورشة شطة

الفول بالزبادي
المقادير:

كمية من الفول
حِزمة بقدونس
كوب زبادي
ملح وكمون
زيت زيتون
شطة


الطريقة:
1- سخّني الفول كويس واهرسيه بالشوكة، وبعدين تبّليه بالملح والكمون وعصير الليمون وأي إضافات تحبيها.

2- حطي عليه الزبادي، وقلبيها كويس، وبعدين البقدونس المفروم.

3- اغرفيه في الأطباق، وحطي عليه الزيت ورشة شطة، بالهنا والشفا.



*******************


بعد ما يسخن حطيه في الخلاط واضربيه لحد ما يبقى ناعم
بعد ما يسخن حطيه في الخلاط واضربيه لحد ما يبقى ناعم

الفول المهروس
المقادير:

كمية من الفول
حبة فلفل رومي
حبة بصلة صغيرة
حبة طماطم
فلفل حامي
1/ 2 ليمونة
ملح وكمون
زيت


الطريقة:
1- قطعي المكونات وحطيها مع الفول على النار وسخنيهم، وبعدين حطي عصير الليمون.

2- تبّلي الفول بالملح والكمون، وبعد ما يسخن حطيه في الخلاط واضربيه لحد ما يبقى ناعم.

3- اغرفي الفول في الأطباق وحطي عليه الزيت، بالهنا والشفا.



*******************


اخلطي الطحينة والخل والزيت وعصير الليمون والثوم وقلبيهم كويس
اخلطي الطحينة والخل والزيت وعصير الليمون والثوم وقلبيهم كويس

الفول بالطحينة
المقادير:

كمية من الفول
ملعقة خل
ملح وكمون
حبة طماطم
1/ 2 ليمونة
ملعقة كبيرة طحينة
2 ملعقة كبيرة زيت
1/ 2 ملعقة صغيرة ثوم مهروس


الطريقة:
1- سخّني الفول واهرسيه بالشوكة، وقطّعي عليه الطماطم مكعبات صغيرة.

2- اخلطي الطحينة، والخل، والزيت، وعصير الليمون، والثوم، وقلبيهم كويس، وتبّليهم بالملح والكمون والشطة.

3- حطي الخلطة على الفول وقلبيهم معاه، بالهنا والشفا.



*******************


شكّلي أقراص بالحجم اللي أنت عايزاه وحطي الكزبرة والسمسم
شكّلي أقراص بالحجم اللي أنت عايزاه وحطي الكزبرة والسمسم

عجينة الطعمية المصري
المقادير:

1/ 2 كيلو فول مدشوش
حزمة بقدونس
بصلة متوسطة
4 فصوص ثوم
حزمة كرات
حزمة كزبرة
ملح وفلفل
ملعقة صغيرة كمون
2 ملعقة كبيرة كزبرة مطحونة


للقـلي:

بيضة
شطة
سمسم
كزبرة ناشفة
1/ 4 ملعقة صغيرة كربوناتو


الطريقة:
1- انقعي الفول في المية ليلة كاملة، وتاني يوم صفّيه واغسليه كويس.

2- قطعي كل المكونات التانية، وحطيهم مع الفول في الكبّة وافرميها.

3- تبّليها بالتوابل وممكن تضيفي أي توابل أنت عايزاها.

4- قسّمي العجينة على أكياس؛ كل كيس يكفي لمرة، وحطيها في الفريزر.

5- عند الاستخدام حطي عليها البيض والكربوناتو والشطة، وخدي من العجينة شكّلي منها أقراص بالحجم اللي أنت عايزاه وحطي الكزبرة والسمسم، واقليها في الزيت. بالهنا والشفا.



*******************


دخّلي الصينية بالأكواب في الفرن لمدة 6 - 8 ساعات أو لحد ما يتخمر
دخّلي الصينية بالأكواب في الفرن لمدة 6 - 8 ساعات أو لحد ما يتخمر

طريقة عمل الزبادي
المقادير:

كيلو لبن
كوب زبادي


الطريقة:
1- سخني اللبن جامد لدرجة الغليان، وبعدين ارفعيه من النار لحد ما يبقى دافي.

2- قلّبي علبة الزبادي كويس أوي؛ لحد ما تبقى سايلة زي اللبن.

3- صبّي الزبادي في اللبن، وقلبيهم مع بعض كويس أوي.

4- بعد كده صبي اللبن في أكواب وحطيهم على صينية، وغطيهم بقطعة قماش.

5- سخّني الفرن لمدة دقيقتين، وبعدين اطفيه، ودخّلي الصينية بالأكواب في الفرن لمدة 4- 6 ساعات، أو لحد ما يتخمر، وبعدين دخليه التلاجة.


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
النهارده هنقدم لك شوية وصفات لسحور رمضان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابن العراق الحبيب :: قسم المرأة العربية :: الطبخ-
انتقل الى: